stúlkan léttmeti



19.6.03
 
biðin langa
það er svo leiðinlegt að bíða og bíða. ég bara skil ekki af hverju þetta þarf að taka svona langan tíma.
nú eru nokkrir mánuðir síðan ég varð átján, og alveg einhverjar vikur síðan björn bjarnason komst í dómsmálaráðuneytið... og ég er ekki enþá búin að fá herkvaðiningarbréf inn um lúguna. ég er búin að bíða og bíða og bíða.
ef ég hefði verið komin í herinn þá hefði ég sko ekki borið þessa asnalega friðsömu mótmælendur út af austurvelli á sautjánda júní í kóngastól. hann davíð á miklu betra skilið en að sjá að það er fullt af fólki sem er á móti honum. ég hefði tekið byssuna mína upp úr vasanum og skotið amk nokkrum skotum upp í loftið.
sjáiði líka ekki fyrir ykkur hvernig sautjándi júní myndi fá allt annan og miklu betri brag ef við ættum her. ekki lengur þetta helvítis skátakjaftæði. mér blöskraði alveg þegar einhverjir stúdentar eða eitthvað með ljótar húfur báru blómsveiginn að minnisvarðanum um jónsa forseta. það hefði komið miklu betur út að hafa alvöru hermenn með alvöru húfur halda á þessum blómum.
björn á ekkert að hlusta á hina. hann á bara að taka verkefnið í sínar hendur. þetta alþingi er hvort eð er bara hálfbjánalegt og kosningarnar ólöglegar. björn yrði fínasti yfirhershöfðingi yfir þessari litlu eyju. dabbi gæti kannski fengið að vera yfir flughernum okkar, af því að honum þykir eitthvað svo vænt um herflugvélar.
með hernum gæti líka langþráður draumur okkar allra ræst. við gætum loksins ráðist á færeyjar og náð að stækka aðeins við okkur. það eru allir hérna orðnir leiðir á íslandi. hallgrímskirkja er löngu komin úr tísku og það gæti verið skemmtileg viðbót að fá þórshöfn inn í safnið.
þá gætum við líka látið alla í færeyjum flytja til reykjavíkur því það fellst svo mikil hagræðing í því að allir búi á sama stað.
við gætum líka látið færeyingana koma alla í herinn okkar og síðan hefnt okkar á dönum með því að sprengja þá dálítið. þeir eru enþá með einhver handrit árna magnússonar hjá sér, helvítin á þeim. síðan tökum við noreg og hrellum þá aðeins.
og ef við erum einu sinni byrjuð þá gætum við ráðist á bandaríkin fyrir að hafa tekið herinn sinn frá okkar landi, og síðan öll lönd heimsins, koll af kolli.
þá myndi lífið vera gott og skemmilegt. samskiptavandamál yrðu úr sögunni, þar sem allir myndu bara tala íslensku.
það myndi líka vera mjög gott ef ein þjóð réði yfir öllum heiminum. ef maður hugsar út í það er auðvitað fáránlega óhagkvæmt að hafa byggð á jörðinni eins og hún er í dag. auðvitað væri mikil hagræðing í því að fækka íbúum á jörðinni.
í þessu samfélagi yrði björn bjarnason auðvitað yfirhershöfðingi heimsins og við íslendingar yrðum enþá hamingjusamari en hinar þjóðir heimsins... nei, hin þjóðbrot heimsins (hvað er ég eiginlega að bulla?)
...eða, er það ekki??

::: posted by anna at 16:25





18.6.03
 
það er eitthvað að...
her sit eg a borgarbokasafninu og get ekki gert broddstafi. eg skil ekki af hverju þetta stafar, en grunar þo að einhver með betri tölvukunnattu en eg myndi geta kippt þessu i lag eins og skot. þegar eg komst að þessu ætlaði eg að reyna að skrifa færslu ekki með neinum broddstöfum, eins og maðurinn sem eg man ekki hvað heitir sem skrifaði bok a frönsku sem var ekki með neinum e-um i, en gafst upp. það var aðallega ut af þvi að eg gat ekki skrifað "eg", sem er einmitt orð sem ma ekki missa sin a svona egosentriskum stöðum sem bloggsiður eru.

hros dagsins
fær borgarbokasafnid fyrir ad vera til. þar er hægt að fara til að fa lanaða geisladiska, sem maður a ekki efni a að kaupa, finna bækur sem manni hefði ekki einu sinni dottið i hug að væru til og siðast en ekki sist að fara i tölvur, en það er hentugt ungum, tölvulausum stulkum sem langar ad koma skoðunum sinum a framfæri a veraldarvefnum. (þott sumar tölvurnar seu þeim annmörkum haðar að þær geti ekki leyft slikum vitleysingum ad skrifa broddstafi).

arstiðir
lifið er sem betur fer ekki alltaf eins, og það er alveg yndislegt! eitt af þvi sem kryddar lif okkar eru arstiðaskiptin, sem hafa meiri ahrif a okkur en okkur gæti grunað. nanast allt sem við gerum er a einhvern hatt arstiðabundið, og hegðun okkar er töluvert mismunandi eftir þvi hvort er sumar eða vetur. það er nefninlega ekki bara klæðnaður og litarhaft sem breytist með hækkandi sol.
til að taka dæmti er skemmtanalif framhaldsskolanema eins og min arstiðaskipt að einhverju leyti. sumarið er timi tomra husa og partya, a meðan menntaskolaböllin og bjorkvöldin eru með yfirhönd a veturna. maturinn er lika öðruvisi, en a sumrin eru meiri likur a þvi að folk nenni að grilla. Minna ber hins vegar a þvi sem þekkist i utlöndum að borða lettari mat a sumrin, amk a minu heimili.
folk er að minu mati lika skemmtilegra a sumrin. til i að gera meira skemmtilegt og segir eiginlega bara fleiri brandara. eg er að hugsa um að leggja til að það verði alltaf sumar...
...af þvi að mer finnist rigningin goð!

::: posted by anna at 17:04





15.6.03
 
hrós dagsins
í dag fær stærðfræðikennarinn minn í sumarskólanum hrós dagsins. með lagni og einstaklega hröðum talsmáta hefur honum tekist að berja inn í hausinn á mér gríðarlegu magni af stærðfræðifróðleik, eiginlega án þess að ég hafi gert neitt til þess að hann komist þangað inn (þeas fróðleikurinn, ekki kennarinn).

Tíminn í sumarskólanum er mjög skemmtilegur og með þessu afbrigðilega sumarnámi mínu hef ég komist að því að ég er betur til þess fallin að læra en vinna. amk finnst mér skemmtilegra í skólanum en vinnunni. ég hef því ákveðið að leggja í ónytjungssemi og hætta að vinna, en eyða því mun meiri tíma á þjóðarbókhlöðu allra landsmanna í þeirri von að ég muni fá skikkanlega útkomu út úr lokaprófinu.
í sumarskólanum er mikið um kynlega kvisti, og fólkið yfir höfuð með eindæmum skrítið... sem er reyndar ekkert skrítið þar sem maður þarf líklega að vera töluvert skrítinn til að taka ákvörðun um að halda áfram í skóla þegar komið er sumar.
eins og ég hef skrifað er kennarinn gæddur þeim mikla hæfileika að geta komið fróðleiki frá sér í aðgengilegu formi. kennsluhæfileikar hans bæta þannig fullkomlega upp fyrir hversu dónalegur hann hefur verið við mig. maðurinn sá hefur ma sagt að eina sem ég gæti væri að slá inn í reiknivél og fá út að þrír plús tveir væru fimm, án þess að vita hvað væri að gerast og segja mér að ég væri greinilega ekki með neinn stærðfræðilegan skilning. ég kann því ekki að meta innri mann hans, en reyni að líta á björtu hliðarnar og dýrka kennsluhætti hans eins og þeir væru skurðgoð sem ég trúi á.
eins og allir hinir í sumarskólanum er þessi kennari afar skrítinn. hann er mjög greinilega að kenna í versló eða hr þar sem hann er með strípur og segir rosalega fyndna stærðfræðibrandara og gerir grín að sjálfum sér. hann klæðist oftast jakkafötum en í tímunum sem eru á föstudagskvöldum milli átta og tíu er hann oft bara í slitnum gallabuxum og hvítum bol... svona til að sjáist alveg örugglega hversu sólbrúnn hann er.
margar kynlegar stúlkukindur sitja líka inni í þessari góðu stofu með mér þrisvar í viku og flissa góðlátlega að fyndinleika mannsins... og skringileika heimsins... ef þær eru stúlkur eins og ég.

::: posted by anna at 20:01





12.6.03
 
ég hef komist að því með lestri þessarar síðu að ég ber viðurnefnið vinstri-græn með miklum glæsibrag. þetta blogg er nefninlega uppfult af einhverju kvarti út í allt og alla og lýsingum á því hversu slæmt samfélagið sem við lifum í er nú. enda ekki furða. ég ber meira að segja oft barrmerki með stolti þar sem stendur "fúl á móti - heldur betur". ég hef þó ákveðið að sýna smá viðleitni í áttina að jákvæðari umfjöllun og reyna að hefja hverja bloggfærslu héðan í frá á hrósi dagsins, sem mun þannig verða fastur liður í þessu annars-nokkuð-lausa-við-vana-bloggi.

hrós dagsins
fyrsta hrós dagsins fá veðurguðirnir. þeir hafa svo sannarlega leikið við mig og mína síðustu daga og lyfta sumarbyrjuninni með leiðingjörnu vinnuupphafinu og fýlu yfir því að vera ekki á leiðinni til útlanda upp á hærra plan. þökk sé veðurguðunum getum við núna leikið okkur úti í sólinni á stuttermabolunum... eða amk horft á aðra leika sér úti í sólinni á stuttermabolunum í gegnum gluggann.

...sem leiðir mig út í umræður dagsins í dag sem eru einmitt um heimsborgina reykjavík og þróun hennar síðustu árin.
þegar ég gekk um götur reykjavíkur um daginn fannst mér ég allt í einu vera komin til útlanda. ég gekk eftir bankastrætinu, leit upp á húsin og fannst ég vera eitthvað svo ógnarsmá. þessa tilfinningu þekkti ég ekki áður nema frá dvölum erlendis. ég er búin að vera að velta heilmikið fyrir mér af hverju þetta stafi.
fyrsta sem mér datt í hug var eiginlega veðrið. það er búið að vera mjög gott og þess vegna getur verið að ég tengi veðurfarið við útlönd.
annað sem mér datt í hug var eiginlega dáldið bjánalegt og snérist eitthvað um að ég væri nú orðin stærri og kannski ætti þetta eitthvað að gera með þroska og vitneskju um að heimurinn væri stærri og slíkt... samt ekki.
þriðja sem mér datt í hug var að reykjavík væri loksins búin að teygja sig svo langt í burtu frá miðbænum að sveitaandarnir sem skella á henni frá öllum áttum séu loksins stoppaðir af húsaþyrpingum og þannig nái þeir ekki til miðborgarinnar, og þannig hafi maður öðruvísi tilfinningu fyrir borginni.
mér datt fullt annað í hug sem ég bara man ekki núna...

::: posted by anna at 16:23





5.6.03
 
ég hef ákveðið að hella yfir bloggheiminn hugsunum úthverfastúlku í raunum. ég hef nú í töluverðan tíma umlukt sveitarfélagið seltjarnarnes lofi og talið það vera ágætissveitarfélag, þrátt fyrir að smæð þess sé vissulega tímaskekkja og stjórnendur þess frjálshyggjusauðar.
ég hafði rangt fyrir mér þar því greinilegt er að bæjarstjórnin er skipuð eintómum hálfvitum og minnihlutinn gerir greinilega glappaskot. núna er ég að vísa til þess að eina nýtanlega byggingaland á seltjarnarnesi mun vera notað að mjög stórum hluta til að búa til gervigrasvöll í fullri stærð. kynnum okkur aðeins forsöguna.
seltjarnarnesbær ætlar að rífa nokkur stór og ljót hús til að rýma fyrir einhverju gáfulegra. einhverjar íbúðir verða byggðar, en mest fer þó fyrir þessum blessaða gervigrasvelli. á nesinu er nú þegar fínasta íþróttahús, litlir grasvellir... og svo er kr völlurinn vel í göngufæri eða í 5 mínútna fjarlægð með strætisvagni. ein af rökunum sem voru notuð fyrir byggingu gervigrasvallarins var að rétt hjá eru íbúðir fyrir aldraða og fannst bæjarstjórninni alveg hreint tilvalið að gamla fólkið gæti labbað niður á gervigrasið til að gera íþróttaæfingar. ég sé samt ekki alveg hvað þau hafa að gera með völl í fullri stærð. svo á ekki einu sinni að byggja yfir hann, sem er þó framtíðin.
ég vil helst ekki byrja á því að lýsa öllum þeim undrum sem hefðu geta risið á þessu svæði. mig langar þó til að nefna eitt og það er tónlistarhús, sem seltjarnarnes í samvinnu við reykjavíkurborg hefðu getað byggt.
í annan stað er seltjarnarnesbær fífl því að hann er ekki viss um hvort hann vill borga með mér í tónlistarskóla í reykjavík. ég sem seltirningur á að byrja að læra á fiðlu eða píanó eða einhverjar aðrar greinar sem kenndar eru í tónskóla seltjarnarnes, og passa að hætta áðuren ég kemst eitthvað lengra en þriðja stig. nú eða bara breyta um lögheimili eins og kona á bæjarskrifstofunum mælti í alvörunni með.
ég ætla ekki að láta bugast. samkvæmt lögum um tónlistarskóla stendur mjög skýrt eftir breytingar frá 1989 að rekstur tónlistarskóla sé alfarið á hendur sveitarfélögum.
og svo gat þessi helvítis kona bara baunað því á mig að ég ætti að skipta um lögheimili. ég hélt að seltjarnarnesi þætti vænt um mig sem félaga.
reyndar er ég náttúrulega gangandi þversögn seltirningsins. ekki í sjálfstæðisflokknum, meira að segja skráð í annan flokk. við erum sjaldgæf og þess vegna ættum við líka að vera verðmæt fyrir bæjarfélagið.
eitt er víst og það er að ég mun ekki láta helvítis konu á bæjarskrifstofunum láta mig skipta um lögheimili. mér liggur næst við að segja að ég muni borga sjálf þessar 270.000 kr sem kostar mig að vera í tónlistarskóla.
ég minni aftur á að reikningur minn er opinn fyrir frjálsum framlögum. nú bæði fyrir tölvukaupum og styrkjum til tónlistarmenntunar. muniði bara að taka það fram á innborgunarseðlinum hvað þið eruð að styrkja.

::: posted by anna at 12:30





2.6.03
 
um sölu á skrokkum
ég get ekki lengur orða bundist vegna þeirri dæmalaust ógeðslegu sölu á kvennlíkömum sem fer fram í beinni útsendingu í sjónvarpinu og er blásin upp af flestum fjölmiðlum þessa lands.
ég fór í klippingu um daginn, sem var líka dagurinn eftir einhverja af þessum fegurðarsamkeppnum (reykjavík, ísland, punkturis). þar var einstaklega vel gefin klippari að segja mér frá því að hann hefði farið á broddvei að glápa á þennan hrotta. drengur þessi var mjög svekktur þegar hann kom til vinnu daginn eftir af því að honum fannst hann hafa verið svikinn. stelpurnar gengu nefninlega ekki um á sviðinu á nærfötunum, heldur var bara vídjómynd af þeim að ganga um á nærfötunum. hann var auðvitað ósáttur. hann hafði verið prettaður af skipuleggjendum keppninnar.
ég sat undir þessu og hló við, enda var maðurinn með hárið mitt í höndunum og ég hafði á tilfinningunni að hann myndi bara kippa fast í og skera af mér höfuðleðrið ef ég myndi mótmæla þessu.
ég stundi reyndar upp afskaplega pent að ég væri eiginlega á móti fegurðarsamkeppnum. hann svona horfði á mig með þú-ert-bara-öfundsjúk-yfir-að-vera-miklu-ljótari-en-þær-augnaráði og sagði að það væri reyndar dálítið fáránlegt að reyna að keppa í fegurð.
og ég þorði ekki að segja að ástæðan fyrir því að ég væri á móti fegurðarsamkeppnum væri ekki að það væri asnalegt að keppa í fegurð af því að hún væri afstæð.
í jafnréttislögum stendur mjög skýrt að það sé refsivert að auglýsa líkama kvenna sem og karla á niðrandi hátt (ég ætlaði að vera rosalega kúl og vitna í lögin beint, en heimasíða alþingis liggur eitthvað niðri í augnablikinu). ég geri mér grein fyrir því að túlkun á orðinu niðrandi getur verið mjög misjöfn, en mér finnst persónulega þessi lög banna fegurðarsamkeppnir.
í keppnunum vinnur alltaf ein stelpa og allar hinar tapa. þannig er verið að segja við þær stelpur sem tapa að þær séu ljótari, með ljótari líkama og ekki eins góðar og sú sem vann. þannig er verið að niðurlægja þær sem tapa. og þær tapa allar, nema ein... sem fer síðan og tapar í einhverri enn stærri keppni.
mér finnst að þetta eigi að vera ólöglegt.
þessar stúlkur eru ekki einu sinni að fá greitt fyrir þetta. þær gera þetta ókeypis og skipuleggjendurnir græða peninga.
jú, reyndar fá þær sokkabuxur... já, kannski er þetta bara alveg þess virði

::: posted by anna at 17:34









léttmeti
ásta
dagur
dögg
mummi
hafdís
halla
halla
himmi
inga
klúbburinn
sigurgeir
sædís
sölvi
tobbi
tóta
ugla